عرفی جاوید کی شاہ رخ خان کے ہمراہ لی گئی تصویر کی حقیقت سامنے آگئی
بالی ووڈ کی معروف شخصیت، انٹرنیٹ سنسیشن عرفی جاوید کی لیجنڈری اداکار شاہ رخ خان کے ہمراہ لی گئی تصویر کی حقیقت سامنے آگئی۔
گزشتہ روز عرفی جاوید نے ایک انٹرویو کے دوران اس خواہش کا اظہار کیا تھا کہ وہ شاہ رخ خان سے ملاقات کرنا چاہتی ہیں۔
تاہم اس انٹرویو کے چند گھنٹوں بعد عرفی جاوید نے بالی ووڈ کے کنگ، شاہ رُخ خان کے ساتھ لی گئی سیلفی اپنی انسٹااسٹوری میں شیئر کی اور ساتھ کیپشن لکھا کہ ’ میں اپنے پسندیدہ شخص سے ملی‘۔
مذکورہ انسٹااسٹوری اور اس کے کیپشن نے سب کی توجہ اپنے جانب مبذول کروالی تھی۔
اپنے بےباک فیشن اسٹائل کے باعث شہرت حاصل کرنے والی عرفی جاوید کی مذکورہ انسٹااسٹوری دیکھتے دیکھتے سوشل میڈیا پر وائرل ہوگئی۔
تاہم اب اس تصویر کی حقیقت سامنے آگئی ہے، اداکار عرفی جاوید کی کنگ خان کے ساتھ ہونے والی ملاقات اور مذکورہ سیلفی جعلی نکلی ہے۔
دراصل یہ میسجنگ ایپ ’اسنیپ چیٹ‘ کا فلٹر ’سیلفی وود ایس آر کے‘ کا کمال ہے۔ اس فلٹر سے جو بھی سیلفی بنائے گا تو اُس کے ساتھ شاہ رخ خان کی سیلفی آجائے گی۔
عرفی جاوید نے بھی مذکورہ فلٹڑ کا استعمال کرتے ہوئے شاہ رخ خان کے ساتھ تصویر لی اور اپنی انسٹااسٹوری میں شیئر کی جو سوشل میڈیا پر وائرل ہوگئی ہے۔
