مسلح افواج کی یوم پاکستان پریڈ کی تیاریاں عروج پر
84 ویں یوم پاکستان کے حوالے سے مسلح افواج کی پریڈ کی تیاریاں عروج پر پہنچ گئیں۔
فوجی دستوں نے اسلام آباد پریڈ گراؤنڈ میں فل ڈریس ریہرسل کی۔ شہریوں کی بڑی تعداد نے پریڈ ریہرسل کا شاندار مظاہرہ دیکھا۔
23 مارچ کو پریڈ میں پہلی بار گلگت بلتستان اسکاؤٹس، چین اور آذربائیجان کے دستے بھی شامل ہوں گے۔
سعودی وزیر دفاع شہزادہ خالد بن عبدالعزیز یومِ پاکستان پریڈ کے مہمان خصوصی ہوں گے۔
سعودی وزیر دفاع کو پریڈ میں شرکت کی دعوت آرمی چیف جنرل عاصم منیر نے دی تھی، یوم پاکستان پریڈ میں خلیج تعاون کونسل کے سرمایہ کاری اداروں کے سربراہاں بھی شرکت کریں گے۔
