خیرپور میں کل سے لاپتا 3 بچوں کی لاشیں گھر میں رکھے صندوق سے مل گئیں
خیرپور میں کل سے لاپتا 3 بچوں کی لاشیں گھر میں رکھے صندوق سے مل گئیں۔
خیرپور پولیس کے مطابق گھر کے صندوق سے 3 بچوں کی لاشیں ملنے کا واقعہ گوٹھ وڈاسمنگ میں پیش آیا۔
پولیس کے مطابق تینوں بچے ممکنہ طور پر کھیلتے ہوئے خود صندوق میں گئے، صندوق کا ڈھکن بند ہونے کی وجہ سے تینوں بچے باہر نہ آسکے۔
پولیس کے مطابق بچوں کی موت ممکنہ طور پر گرمی اور دم گھٹنے کے سبب ہوئی ہے، جن کا پوسٹ مارٹم کرایا جارہا ہے، بچوں کے جسم پر تشدد کا کوئی نشان نہیں ہے۔
پولیس کے مطابق جاں بحق بچوں میں دو بہن بھائی اور ان کا ایک کزن شامل ہے۔
گزشتہ روز بچوں کے والدین نے پولیس میں اغوا کی شکایت کرائی تھی مگر آج تینوں بچوں کی لاشیں گھر میں رکھے صندوق سے ہی مل گئیں۔
