اسرائیل کے جنگی جرائم کے خلاف بارسلونا کی سابق میئر اداکولاؤ قومی عدالت پہنچ گئیں
Screenshot
بارسلونا کی سابق مئیر اور گلوبل سمود فلوٹیلا کی رکن اداکولاؤ نے منگل کے روز Audiencia Nacional (قومی عدالت) پہنچیں تاکہ اسرائیل کے خلاف شکایت درج کرا سکیں۔ ان کا مؤقف ہے کہ اسرائیل نے بین الاقوامی پانیوں میں انسانی امداد لے جانے والی کشتی کے ارکان کو روک کر مبینہ طور پر “جنگی جرائم اور انسانیت کے خلاف جرائم” کا ارتکاب کیا ہے۔
انہوں نے عدالت میں پیشی سے قبل میڈیا سے گفتگو کرتے ہوئے کہا کہ وہ چاہتی ہیں کہ “متعلقہ حکام ان واقعات کی مکمل تحقیقات کریں”، کیونکہ ان کے مطابق اسرائیلی حکومت نے اس معاملے میں کوئی مؤثر اقدام نہیں کیا۔
کولاؤ نے مزید کہا کہ مقصد یہ ہے کہ ان جرائم کے ذمہ دار افراد کو بین الاقوامی فوجداری عدالت کے سامنے پیش کیا جائے، اور ساتھ ہی اسرائیل اور یورپی یونین کے درمیان تجارتی معاہدہ مکمل طور پر معطل کیا جائے۔ انہوں نے یورپی یونین پر بھی اسرائیلی وزیرِاعظم نیتن یاہو کی حکومت کے ساتھ “شراکت داری” کا الزام عائد کیا، اور مطالبہ کیا کہ اسی نوعیت کے مقدمات دیگر ممالک میں بھی دائر کیے جائیں۔
دوسری جانب، وکیل اور یورپی پارلیمنٹ کے رکن Jaume Asens نے دعویٰ کیا کہ انہیں ان جیلوں کے منتظمین کی شناخت معلوم ہو چکی ہے جہاں فلوٹیلا کے ارکان کو رکھا گیا تھا، اور کچھ ایسے فوجیوں کی بھی نشاندہی کی گئی ہے جنہوں نے مبینہ طور پر کشتیوں پر حملہ کیا۔
انہوں نے مزید کہا کہ وہ اسرائیلی وزیرِ دفاع Israel Katz اور قومی سلامتی کے وزیر Itamar Ben-Gvir کے خلاف بھی بین الاقوامی وارنٹ گرفتاری جاری کرنے کی درخواست کریں گے۔ ان کے مطابق بن گویر نے جیلوں کا دورہ کیا، قیدیوں کو ذلیل کیا اور جیل کے نظام کے ذمہ دار ہیں۔
About The Author
