مومن ثاقب اور سلمان خان کی ملاقات میں بازی کون لے گیا؟
پاکستانی سوشل میڈیا انفلوئینسر، اداکار و میزبان مومن ثاقب کی بھارتی سُپر اسٹار و اداکار سلمان خان سے دبئی میں ملاقات ہوئی، ملاقات کے دوران انفلوئینسر کے ہئیر اسٹائل نے سب کی توجہ حاصل کرلی۔
فوٹو اینڈ ویڈیو شیئرنگ پلیٹ فارم انسٹاگرام پر اداکار نے نئی پوسٹ شیئر کرتے ہوئے اپنی اور سلمان خان کی ملاقات کے حوالے سے مداحوں کو آگاہ کیا۔
مومن ثاقب متحدہ عرب امارات کے شہر دبئی میں ہونے والے کراٹے کامبیٹ مقابلوں میں پاکستانی فائٹر شاہ زیب رند کی حوصلہ افزائی کے لیے پہنچے۔
اس مقابلے میں پاکستانی فائٹر شاہ زیب رند نے بھارت کے رانا سنگھ کو 20 سیکنڈ میں ہی ناک آؤٹ کر کے مقابلہ 2-1 سے اپنے نام کیا۔
اس تاریخی منظر کو دیکھنے کے لیے جہاں شائقین کی بڑی تعداد پہنچی وہی دونوں ممالک کی معروف شخصیات بھی اس موقع پر مقابلہ دیکھنے کے لیے موجود تھیں۔
اسی دوران مومن ثاقب کی ملاقات پڑوسی ملک سے مقابلہ دیکھنے آئے سُپر اسٹار سلمان خان سے ہوئی۔
تاہم پاکستانی سوشل میڈیا انفلوئینسر کی جانب سے شیئر کردہ تصویر اور ویڈیو میں جس چیز نے صارفین کی توجہ سمیٹی وہ ان کا ہئیر اسٹائل تھا.
ان کا ہیئر اسٹائل سلمان خان کی مشہور فلم ’تیرے نام‘ کے کردار ’رادے موہن‘ سے متاثر تھا جو صارفین کی توجہ کا مرکز بن گیا۔
سوشل میڈیا صارفین کے مطابق یہ ہیر اسٹائل اس موقع کی مناسبت سے بالکل پرفیکٹ تھا۔
