کرپٹ حکمرانوں نے پاکستان ناقابل تلافی نقصان پہنچایا، پرویز خٹک

چیئرمین پاکستان تحریک انصاف پارلیمنٹرین (پی ٹی آئی پی) اور سابق وفاقی وزیر دفاع پرویز خٹک نے کہا ہے کہ کرپٹ حکمرانوں نے پاکستان کو ناقابل تلافی نقصان پہنچایا۔

نوشہرہ میں جلسے سے خطاب میں چیئرمین پی ٹی آئی پی نے کہا کہ پاکستان کا مستقبل بانی پی ٹی آئی کے بغیر روشن ہے، ن لیگ،پی پی پی نے باریاں بانٹ کر ملکی معیشت کوکمزور کیا۔

انہوں نے کہا کہ کرپٹ حکمرانوں کی وجہ سے پاکستان کو نقصان اٹھانا پڑا ہے، بانی پی ٹی آئی نے ہمیشہ جھوٹ پر جھوٹ بولا۔

پرویز خٹک نے مزید کہا کہ بانی پی ٹی آئی جس حال میں ہیں اس کے ذمے دار وہ خود ہیں، آٹھ فروری کو ہونے والے انتخابات میں مخالفین کو اپنی حیثیت کا اندازہ ہوجائے گا۔