روہت شیٹھی نے شاہ رخ خان کیساتھ کام نہ کرنے کی وجہ بتا دی

بالی ووڈ کے معروف ہدایتکار روہت شیٹھی نے شاہ رخ خان کے ساتھ کام نہ کرنے کی وجہ بتادی ہے۔

یاد رہے کہ روہت شیٹھی نے شاہ رخ خان کے ساتھ ابھی تک صرف دو فلمیں بنائی ہیں پہلی’چنائے ایکسپریس‘ جو 2013 ء میں اور دوسری’دل والے‘  جو 2015ء میں ریلیز ہوئی لیکن ان دو فلموں کے بعد انہوں نے دوبارہ ساتھ کام نہیں کیا۔

اسی وجہ سے بھارتی میڈیا پر یہ خبریں گردش کرنے لگیں کہ ان دونوں کے درمیان کوئی ناراضگی چل رہی ہے۔

اب حال ہی میں روہت شیٹھی نے اپنے ایک انٹرویو میں بھارتی میڈیا پر پھیلی ناراضگی اور جھگڑے کی خبروں کی تردید کردی ہے۔

اُنہوں نے بتایا کہ اگر انہیں کوئی ایسی اچھی کہانی ملی  جس پر وہ شاہ رخ خان کے ساتھ کام کر سکیں تو ہم دوبارہ ایک ساتھ ضرور کام کریں گے۔

روہت شیٹھی نے یہ بھی کہا کہ کنگ خان کے ساتھ نئی فلم بنانے کے لیے کہانی ’چنائے ایکسپریس‘ سے زیادہ اچھی ہونی چاہیے ورنہ ان کے ساتھ کام کرنے کا جو معیار بن گیا ہے اس تک نہیں پہنچا جاسکے گا۔