ملک بھر میں شدید دھند، آج رات سے بارش کا امکان

ملک بھر میں شدید دھند کا راج ہے، تاہم آج رات سے بارش کا امکان ظاہر کیا گیا ہے، موٹروے ایم 2 لاہور سے کوٹ مومن اور ایم 4 فیصل آباد سے پنڈی بھٹیاں تک بند ہے۔

لاہور سیالکوٹ موٹروے اور ایم 3 بھی بند جبکہ ایم 5 پر شیر شاہ سے اوچ شریف تک ٹریفک معطل ہے۔ 

دوسری جانب محکمہ موسمیات نے طویل خشک موسم کے بعد بارش کی خوشخبری سنادی۔ 

محکمہ موسمیات کے مطابق آج رات سے ملک کے مغربی علاقوں میں بارشوں کا سبب بننے والی ہواؤں کے داخل ہونے کی پیش گوئی کی گئی ہے۔ 

اس سسٹم کے زیر اثر ہوائیں 31 جنوری تک بالائی علاقوں میں موجود رہیں گی۔