انکیتا لوکھنڈے کو وکی جین کی پارٹیز اور تصاویر کا پتہ چل گیا، مگر کیسے؟
بھارتی ریئلیٹی شو بگ باس 17 میں گھر کی ممبر انکیتا لوکھنڈے کو اپنے شوہر وکی جین کی پارٹیز اور تصاویر کا پتہ چل گیا۔
بھارتی میڈیا رپورٹ کے مطابق انکیتا لوکھنڈے کو اُن کے شوہر کی پارٹیز اور تصاویر کا پتا بالی ووڈ ڈائریکٹر روہت شیٹی کے ذریعے لگا ہے۔
گزشتہ روز وکی جین کی بگ باس سے بے گھر ہونے پر دی گئی پارٹیز کی تصاویر سامنے آئیں، جن میں وہ ایشا مالویہ، عائشہ خان، ثناء خان اور پوروا رانا کے ساتھ پوز دیے رہے ہیں، جن پر انکیتا لوکھندے کے مداحوں نے خوب تنقید کی تھی۔
بگ باس کی نئی قسط میں روہت شیٹی آئے اور انہوں نے انکیتا لوکھنڈے کے روبرو اُن کے شوہر سے متعلق انکشافات کیے تو انہوں نے ردعمل میں کہا کہ ’وہ زور کا تھپڑ ہی کھائے گا‘۔
ہوا کچھ یوں کہ روہت شیٹی نے بگ باس سے اجازت مانگی کہ وہ شو کا ایک اصول توڑ نا چاہتے ہیں اور گھر میں موجود لوگوں کو باہر کی دنیا میں چل رہے معاملات پر بتانا چاہتے ہیں۔
اُس کے ساتھ ہی انہوں نے کہا کہ وکی جین نے اب تک 2 پارٹیاں کی ہیں، جن میں ثناء، ایشا اور عائشہ سمیت ایک اور لڑکی شریک ہوئی ہے۔
انکیتا جین نے روہت شیٹی کی گفتگو پر آنکھیں پھیلائی اور لاعلمی کا اظہار کیا، جس پر بالی ووڈ ڈائریکٹر نے مزید کہا کہ میں قسم کھا رہا ہوں، میں اپنی روزی روٹی پر کھڑا ہوں، جھوٹ نہیں بول رہا، 2 پارٹیاں ہوئی ہیں، جس میں سے ایک آج بھی گھر پر چل رہی ہے۔
اس پر سب ہی غیر یقینی کا شکار ہوگئے، جس پر انکیتا لوکھنڈے نے کہا کہ پھر تو وہ زور کا تھپڑ ہی کھائے گا، اس مرحلے پر روہت شیٹی نے وکی جین کی تصویر اُسے دکھادی۔
گزشتہ روز سوشل میڈیا پر یہ تصاویر پوروا رانا نے شیئر کی تھیں، جس پر انکیتا لوکھنڈے کے مداحوں نے حیرت اور مایوسی کا اظہار کیا تھا۔
