انکیتا لوکھنڈے نے ساس سے معافی مانگ لی
بگ باس 17 کے فائنل کے دوران انکیتا لوکھنڈے نے اپنی ساس سے معافی مانگ لی۔
بھارتی میڈیا رپورٹ کے مطابق سلمان خان کے شو بگ باس کے فائنل کے دوران انکیتا لوکھنڈے نے شوہر وکی جین کی والدہ سے معافی مانگی ہے۔
شو کے فائنلسٹ میں انکیتا لوکھنڈے بھی شامل تھیں لیکن منور فاروقی یہ مقابلہ جیتنے میں کامیاب رہے۔
شو فاتح کے اعلان سے قبل سلمان خان نے وکی جین کی والدہ اور انکیتا لوکھنڈے سے بات کی ، جس پر اداکارہ نے شو کے دوران اپنے شوہر کے ساتھ جھگڑے پر معافی مانگی۔
انکیتا نے اس دوران وکی جین کو بے پناہ محبت دینے اور اُن کی والدہ کو خوش رکھنے کا عہد بھی باندھا۔
اداکارہ نے ساتھ ہی وضاحت دی کہ میری ساس زیادہ تر ہمارے ساتھ نہیں رہتی ہیں تو انہیں معلوم بھی نہیں کہ ہماری بہت سی لڑائیاں مذاق ہوتی ہیں۔
