اسامہ خان کیلئے شوٹنگ کے دوران سیٹ پر کیک کون بھیجتا ہے؟
پاکستان شوبز انڈسٹری کے معروف اداکار اسامہ خان نے اپنی ایک جذباتی مداح کی دلچسپ کہانی سنا دی۔
اسامہ خان نے حال ہی میں ایک نجی ٹی وی کے شو میں بطور مہمان شرکت کی جہاں اُنہوں نے مختلف موضوعات پر گفتگو کی۔
اُنہوں نے شو میں ایک سوال کا جواب دیتے ہوئے انکشاف کیا کہ میری ایک بہت ہی جذباتی مداح ہے وہ جہاں بھی میری شوٹنگ چل رہی ہو وہاں سیٹ پر میرے لیے اکثر کیک بھجواتی ہے اور اگر میں کہیں کسی ایونٹ کے لیے گیا ہوں تو وہاں بھی میرے لیے کھانے پینے کے لیے کچھ نہ کچھ بھیج دیتی ہے۔
اداکار نے مزید بتایا کہ کچھ عرصہ پہلے میں کراچی میں ایک ایونٹ کے لیے گیا ہوا تھا تو وہ وہاں پر اپنی بہن کے ساتھ مجھ سے ملنے کے لیے بھی آئی اور بہت زیادہ پُرجوش نظر آ رہی تھی۔
اُنہوں نے بتایا کہ وہ لڑکی اتنی پُرجوش اور جذباتی ہے کہ اگر میں کوئی چیز خریدوں یا کوئی پوسٹ شیئر کروں تو اگلے دن ہی وہ لڑکی مجھے ٹیگ کرکے بتائے گی کہ اس نے یہ چیز خرید لی ہے۔
واضح رہے کہ اسامہ خان نے حال ہی میں فلم’نایاب‘ کے ذریعے بڑی اسکرین پر ڈیبیو دیا ہے اور اپنی زبردست اداکاری سے فلمی شائقین کے دل جیت لیے۔
