پرینیتی چوپڑا امید سے نہیں، ان کی ساری توجہ اپنے کام پر ہے، قریبی ذرائع
بالی ووڈ کی معروف اداکارہ پرینیتی چوپڑا امید سے نہیں ہیں اور ان دنوں انکی توجہ اپنے کام پر ہے۔
ذرائع کے مطابق حال ہی میں انکی ظاہری جسمانی ساخت کو دیکھ کر بہت سے پرستار یہ سمجھ بیٹھے کہ پرینیتی کے ہاں ولادت متوقع ہے۔
یاد رہے 35 سالہ اداکارہ کی گزشتہ برس 24 ستمبر کو بھارتی سیاستداں اور رکن پارلیمنٹ راگھو چڈھا سے شادی ہوئی تھی۔
تاہم اس حوالے سے پرینیتی کے قریبی ذرائع کا کہنا ہے کہ انکے پہلے بچے کی ولادت کے حوالے سے اڑنے والی افواہوں میں کوئی حقیقت نہیں۔
یہ افواہیں انکی ایک حالیہ تصویر کی وجہ سے زیادہ پھیلیں جب وہ ممبئی ایئرپورٹ پر بڑے سائز کے لباس میں نظر آئیں، جس پر یہ گمان کیا گیا کہ شاید وہ امید سے ہونے کی وجہ سے ایسا لباس پہنے ہوئے ہیں۔
پرینیتی کے قریبی ذرائع کا مزید کہنا تھا کہ ایسا اسلیے بھی نہیں کہ وہ سارے فلمی کام انجام دے رہی ہیں اور کسی بھی کام کو انھوں نے آگے نہیں بڑھایا ہے۔
