کنزہ ہاشمی کی پری برتھ ڈے پارٹی میں نامور ستاروں کی شرکت
پاکستانی ڈرامہ انڈسٹری کی خوبصورت اداکارہ کنزہ ہاشمی آج 26 سال کی ہو گئی ہیں۔
اداکارہ نے گزشتہ روز اپنے انسٹاگرام اکاؤنٹ پر ایک ویڈیو شیئر کی تھی جس میں وہ شوبز انڈسٹری کی معروف شخصیات کے ساتھ اپنی پری برتھ ڈے پارٹی مناتی نظر آئیں۔
اداکارہ کنزہ ہاشمی کی اپنی سالگرہ کے کیک، غباروں اور دوستوں کے ہمراہ شیئر کی گئی یہ ویڈیو اُن کے مداحوں میں بے حد مقبول ہو رہی ہے۔
ویڈیو میں کنزہ ہاشمی کو اپنی سالگرہ کے خوبصورت کیک، اپنے لباس کے رنگ کے ساتھ میچنگ غباروں کے ساتھ ماڈلنگ کرتے اور اپنے دوستوں اور نامور فنکاروں کے ساتھ ملتے ہوئے دیکھا جا سکتا ہے۔
کنزہ کی اس پارٹی میں عمران اشرف، فیروز خان، وجاہت علی، منال خان، صبور علی، علی انصاری، یشما گِل، حرا مانی، زاویار اعجاز و دیگر فنکاروں نے شرکت کی۔
یاد رہے کہ کنزہ ہاشمی کی یہ پری برتھ ڈے (قبل از وقت سالگرہ) پارٹی تھی، اپنی باقاعدہ سالگرہ وہ آج منائیں گی۔
