محب مرزا نے صنم سعید کو ’منہ دکھائی‘ میں کیا تحفہ دیا؟
پاکستان شوبز انڈسٹری کی معروف اداکارہ صنم سعید نے شادی کے بعد اپنے شوہر، اداکار محب مرزا سے شادی کے بعد ملنے والے پہلے تحفے کے بارے میں بتا دیا۔
حال ہی میں محب مرزا اور صنم سعید نے ایک نجی ٹی وی کے شو میں بطور مہمان شرکت کی جہاں اُن دونوں نے مختلف موضوعات پر دلچسپ گفتگو کی۔
شو کے دوران سوال جواب کے ایک سیشن میں ان دونوں سے یہ سوال کیا گیا کہ’شادی کے بعد آپ دونوں نے ایک دوسرے کو پہلا تحفہ کیا دیا؟‘
صنم سیعد نے اس سوال کے جواب میں بتایا کہ محب نے مجھے ’ایمرلڈ رنگ‘ تحفے میں دی تھی۔
محب مرزا نے اس سوال کا جواب دیتے ہوئے کہا کہ صنم نے مجھے ’ٹام فورڈ اوڈ ووڈ کا پرفیوم‘ تحفے میں دیا تھا۔
واضح رہے کہ اداکار محب مرزا اور اداکارہ صنم سعید کچھ عرصہ پہلے رشتۂ ازدواج میں منسلک ہوئے ہیں، ان دونوں کی یہ دوسری شادی ہے۔
