محسن عباس حیدر کا مداحوں کو رمضان المبارک کا تحفہ

پاکستان شوبز انڈسٹری کے معروف اداکار، میزبان و گلوکار محسن عباس حیدر نے ماہ رمضان میں اپنے مداحوں کو خوبصورت تحفہ دے دیا۔

محسن عباس حیدر اپنی اداکاری و گلوکاری کے علاوہ مختلف مواقعوں پر مشہور کلام اور نعتیں پڑھ کر بھی اپنے مداحوں کے دل جیتتے ہیں۔

اُنہوں نے کوک اسٹوڈیو کے سیزن 9 کے لیے ایک کلام’اڈی جا‘ خود لکھا بھی تھا جسے مداحوں کی جانب سے بہت پسند کیا گیا تھا۔

اب محسن عباس حیدر نے فوٹو اینڈ ویڈیو شیئرنگ ایپ انسٹاگرام پر نعت پڑھتے ہوئے ایک ویڈیو شیئر کی ہے۔

اُنہوں نے اپنی پوسٹ کے کیپشن میں بتایا ہے کہ یہ نعت اُنہوں نے خود لکھی ہے۔

علی حسن کی ہدایتکاری میں بنائی گئی اس ویڈیو میں محسن عباس حیدر کی دل کو چھو لینے والی آواز کے ساتھ ساتھ ساحلِ سمندر کے خوبصورت مناظر بھی دیکھے جا سکتے ہیں۔

محسن عباس حیدر کی اس ویڈیو کو سوشل میڈیا پر صارفین کی جانب سے بہت پسند کیا جا رہا ہے۔