مجھے سیاست میں قدم رکھنا چاہیے یا نہیں؟ اروشی روٹیلا کا مداحوں سے سوال
بالی ووڈ کی معروف اداکارہ و ماڈل اروشی روٹیلا نے اپنے مداحوں سے ایک اہم سوال پوچھ لیا ہے۔
اروشی روٹیلا سے حال ہی میں ایک انٹرویو کے دوران یہ سوال پوچھا گیا کہ’کیا اُنہیں سیاست میں دلچسپی ہے اور ان کا سیاست میں جانے کا کوئی ارادہ ہے؟‘
اُنہوں نے اس سوال کا جواب دیتے ہوئے انکشاف کیا کہ مجھے سیاست میں قدم رکھنے کے لیے ایک ٹکٹ تو پہلے ہی مل چُکا ہے تو ابھی مجھے یہ فیصلہ کرنا ہے کہ مجھے سیاست میں قدم رکھنا چاہیے یا نہیں۔
اداکارہ نے مزید کہا کہ میں چاہتی ہوں مداح مجھے اس حوالے سے سوشل میڈیا پر کمنٹ سیکشن میں اپنی رائے دیں کہ مجھے سیاست کے میدان میں جانا چاہیے یا نہیں۔
جس کے بعد سوشل میڈیا صارفین اروشی روٹیلا کے اس انٹرویو پر دلچسپ تبصرے کرتے نظر آ رہے ہیں۔
