تاپسی پنوں نے فلم اینیمل اب تک کیوں نہیں دیکھی؟ وجہ سامنے آگئی

بالی ووڈ کی باصلاحیت اداکارہ تاپسی پنوں نے دنیا بھر میں 912 کروڑ کا بزنس کرنے والی 2023ءکی بلاک بسٹر فلم اینیمل اب تک نہیں دیکھی۔

فلم اینیمل نے جہاں دنیا بھر میں ریکارڈ توڑ کمائی کی ہے، وہیں اسے بعض ناقدین اور فلم بینوں کی تعریف سے بدسلوکی اور متشدد مرد کو ہیرو بنانے پر تنقید کا بھی سامنا ہے۔

فلم ڈنکی کی کامیابی کے بعد اپنے حالیہ انٹرویو میں تاپسی پنوں نے بتایا کہ وہ رنبیر کپور کی فلم اینیمل کو بہت زیادہ قابل تعریف نہیں سمجھتیں، میں نے تو ابھی تک اسے دیکھا بھی نہیں ہے۔

اداکارہ سے دوران انٹرویو پوچھا گیا کہ کیا ایسی فلمیں بننی چاہئیں؟ تو انہوں نے فلم کی کامیابی اور خود ایسی فلم نہ کرنے کی بارے میں بات کی۔

انہوں نے کہا کہ مجھ سے کئی لوگوں نے فلم دیکھنے کےلیے کہا لیکن میں نے یہ فلم اب تک نہیں دیکھی، دراصل اس حوالے سے میری اپنی رائے ہے، میں انتہا پسند نہیں ہوں۔

تاپسی پنوں نے کہا کہ لوگ مجھ سے کہتے ہیں جب تمہیں ہالی ووڈ کی ’گون گرل‘ پسند ہے تو اینیمل کیوں نہیں؟

انہوں نے کہا کہ فلم کا موازنہ ہالی ووڈ سے نہ کریں، وہاں بالوں کی نقل نہیں کی جاتی یا فلمی انداز کو حقیقی زندگی میں استعمال نہیں کیا جاتا، وہاں لڑکی کو دیکھتے ہی تعاقب نہیں کیا جاتا یہ سب ہمارے یہاں ہوتا ہے، ہمیں فرق سمجھنا ہوگا۔