ہیری پوٹر سیریز کی مصنفہ جے کے رولنگ کے گھر کی باڑ کی تراش خراش سے شہری پریشان
ہیری پوٹر سیریز کی مصنفہ جے کے رولنگ کے گھر پر لگی باڑ کی تراش خراش لوگوں کے لیے زحمت بن گئی۔ مسلسل ٹریفک جام کے باعث سڑک پر گاڑیوں کی طویل قطار لگ گئی۔
واضح رہے کہ یہ سڑک جے کے رولنگ کے گھر کے سامنے سے گزرتی ہے۔
لیلینڈ سائپریس نامی بلند و بالا درختوں کی دیوہیکل باڑ کی کٹائی چھٹائی کے لیے سڑک کے ایک حصہ بند ہونے کی وجہ سے شہری سخت پریشان ہیں، بچوں کے اسکول تاخیر سے پہنچنے کی شکایت سب سے زیادہ سامنے آئیں۔
برطانوی میڈیا کی رپورٹ کے مطابق اسکاٹ لینڈ کے دارالحکومت ایڈنبرا کے مضافاتی علاقے نارنٹن میں جے کے رولنگ کے 17ویں صدی کے 78 کروڑ روپے سے زائد مالیت کے گھر کی باڑ کا کام صبح سے دوپہر تک کیا جا رہا ہے۔
