ثناء جاوید کی شادی کے بعد پہلی پوسٹ
پاکستان شوبز انڈسٹری کی معروف اداکارہ ثناء جاوید نے کرکٹر شعیب ملک سے شادی کے بعد نئی تصاویر شیئر کی ہیں، یہ ان کی شادی کی تقریبات کے بعد پہلی پوسٹ ہے۔
مذکورہ پوسٹ میں اداکارہ نے معروف ڈیزائنر ثانیہ حسن کے فیشن برانڈ کے لیے کروائےگئے فوٹو شوٹ کی تصاویر شیئر کی ہیں۔
ان تصاویر میں ثناء جاوید نے دو مختلف لباس زیب تن کئے ہوئے ہیں۔ پہلی تصویر میں انہوں نے پیچ اور ہلکے سبز رنگ کا شرارہ جبکہ دوسری میں انہوں نے پیلا پشواس پہنا ہوا ہے جو کہ جامنی و گلابی امتزاج کے ساتھ ہے۔
ثناء جاوید نے مذکورہ پوسٹ کے کیپشن میں ڈیزائنر کو داد دی اور لباس کی تعریف کی۔
اداکارہ کی تصاویر میں ان کے شوہر یعنی سابق کپتان شعیب ملک دکھائی تو نہ دیئے لیکن پوسٹ کو لائک کرکے اپنی موجودگی کا احساس دلا دیا۔
