جَلد ہی ماں بننے والی اداکارہ زارا نور عباس کیلئے یہ سالگرہ کیوں خاص ہے؟
پاکستانی معروف اداکارہ زارا نور عباس نے اپنی سالگرہ کی خوبصورت تصویریں شیئر کی ہیں۔
گزشتہ روز زارا نور عباس 33 سال کی ہو گئیں، اداکارہ اپنی سالگرہ کی تصویروں میں نہایت خوش اور خوبصورت نظر آ رہی ہیں۔
زارا نور عباس جَلد ہی اپنے ہاں پہلے ننھے مہمان کو خوش آمدید کہنے والی ہیں۔
زارا نور عباس کا ان تصویروں کے کیپشن میں لکھنا ہے کہ ’امید اور دعا ہے کہ یہ سالگرہ میرے لیے بہت سکون اور راحت لائے اور میرا معجزہ (ننھا مہمان) صحت اور خوشی کے ساتھ میرے پاس آئے، آمین۔‘
اداکارہ نے اپنے دوستوں اور مداحوں کا شکریہ ادا کرتے ہوئے لکھا ہے کہ’ہمیشہ مجھے منانے اور مجھ سے محبت کرنے کے لیے میرے خاندان، دوستوں اور مداحوں کا شکریہ۔‘
انہوں نے اپنی اس پوسٹ کے آخر میں لکھا ہے کہ ’ یہ میری سب سے خاص سالگرہ ہے کیونکہ میرے اماں بابا میرے ساتھ ہیں، الحمدللّٰہ۔‘
