آدھا بیڈ کرایہ پر دستیاب،کینیڈا کی خاتون کا اشتہار

آج تک گھروں کو کرائے پر دینا اور کرائے کے گھروں میں رہنا تو بہت سنا ہے لیکن کیا کوئی سوچ سکتا ہے کہ کوئی خاتون نے اپنا آدھا بستر ہی کرائے پر دینے کی پیشکش کرسکتی ہے؟

جی ہاں! ایسا حال ہی میں کینیڈا کے شہر ٹورنٹو سے تعلق رکھنے والی خاتون نے کیا ہے جن کی یہ عجیب و غریب پیشکش سن کر ہر کوئی حیران ہے۔

اشتہار سوشل میڈیا پر سامنے آنے کے بعد جنگل کی آگ کی طرح پھیل گیا اور لوگوں نے اس پر تبصرے شروع کردیے۔

غیر ملکی میڈیا رپورٹ کے مطابق کینیڈا کی مہنگی ترین ہاؤسنگ مارکیٹ ٹورنٹو میں مکانوں کے کرائے آسمانوں سے باتیں کررہے ہیں، یہی وجہ ہے کہ مذکورہ خاتون نے اپنے بستر کا آدھا حصہ کرائے پر دینے کے لیے فیس بک مارکیٹ پلیس پر اشتہار لگادیا۔

ٹورنٹو میں مقیم رئیل اسٹیٹ ایجنٹ انیا ایٹنگر کی جانب سے یہ اشتہار انسٹاگرام پروفائل پر شیئر کیا گیا جس میں ایک خاتون 900 کینیڈین ڈالرز (663.76 امریکی ڈالرز اور 188567 پاکستانی روپے ) ماہانہ میں اپنا آدھا بستر کرائے پر دینے کی پیشکش کررہی ہیں۔

یڈ شیئر کرنے کے لیے ایک خاتون روم میٹ کی تلاش میں ہیں۔

انہوں نے کیپشن میں لکھا  ٹورنٹو کی رینٹل مارکیٹ اب اس سے زیادہ مزید خراب نہیں ہوسکتی کہ حالت یہاں تک پہنچ چکی ہے کہ اب بستر تک کرائے پر دیا جارہا ہے۔

اشتہار دینے والی خاتون نے واضح کیا کہ وہ کسی ایسی خاتون کی تلاش میں ہیں جو ان کے ساتھ بستر شیئر کرلیں، وہ اس سے قبل بھی فیس بک کے ذریعے ایک خاتون کو اپنا آدھا بستر کرائے پر دے چکی ہیں اور وہ دونوں آرام سے سوتے تھے۔